6 March 2009 日記 – 口臭…

話說今日放工…

<<剛步出電梯>>
亞紋妮（下稱"亞"）：出面可能落梗雨
我：睇下……都唔係啊，得地下濕姐

<<剛步出大廈門口>>
我：哇，出到黎都幾凍下喎
亞：都唔係啊，我覺得ok喎
亞：妖~都冇雨落既
我：細聲D啊…小心比個天聽到落多兩錢重！
亞：嘿嘿~咁我頭先話唔凍…一陣佢凍多幾錢重就搞笑XDDDD

<<離開公司大概200米>>
我：你覺唔覺好似有幾滴？
亞：係喎
我：好似專登滴落我個河童位咁@_@

<<再走多100米>>
亞：我地使唔使行快兩步？
我：死啦…真係好似愈來愈大雨，覺唔覺得滴多左幾滴@口@|||
亞：滴落黎D密度真係高左！

<<走多50米>>
我：老天爺~~~~你放過我啦！

<<走多100米>>
亞：啊！痴線！      [……在袋裡找東西]
我：下？
亞：原來我有戴遮！
我：仆街啦你~唔早D攞出黎！

<<開左遮>>
我：哇，咩把遮咁鬼細既！
亞：唉~~~遮到架啦~~遮到個頭未得囉~

<<走到馬路口，紅燈>>
我：呀呀呀呀~！趕唔切！
亞：哈，咪比佢 [指架車] 過囉~~有幾勁呀佢
我：我地心胸好廣闊的~
亞：你睇下佢 [指架車] ，個樣幾得戚！

<<成功過完馬路>>
亞：咁未過到囉，HA
我：哇，你睇下佢 [指架車] 個屎忽，幾串啊

<<等車中>>
亞：妖，架車快D黎啦！人地想訓覺架嘛！
我：細聲D！比個天聽到好唔掂架！

<<1min後>>
我：你覺唔覺得你講左頭先果句之後真係多左幾滴？
亞：好似係喎！呀！我係未要纖悔！
我：纖悔個口臭啊？

以上是公司日常=_=|||
無聊到爆…口臭到爆…

所以我才常說…公司的事是沒啥好記的…

上星期的私影終於見到了相

只覺得影得很囧很囧囧
我果然不適合cos男角…